அவென்டோஸ் எனர்ஜி விரைவில் அறிமுகப்படுத்த இருக்கும் 4 எலக்ட்ரிக் இரண்டு சக்கர வாகனங்கள்

சென்னையை தளமாகக் கொண்ட அவென்டோஸ் எனர்ஜி 4 எலக்ட்ரிக் டூவீலர் மாடல்களை 2023-24ல் அறிமுகப்படுத்த திட்டமிட்டுள்ளது.

வெளியிடப்படும் முதல் தயாரிப்பு S110 மற்றும் S110-ER ஸ்கூட்டர்கள் ஆகும். அதைத் தொடர்ந்து பிரீமியம் ஸ்கூட்டர் S125. மோட்டார் சைக்கிள் பிரிவில், M125 மற்றும் M150 ஆகியவை முறையே மாஸ் மற்றும் பிரீமியம் பிரிவுகளுக்காக வெளியிடப்படும்.S110 மற்றும் S110-ER முற்றிலும் இந்தியாவிலேயே தயாரிக்கப்பட்டதாகவும், உள்ளூர்மயமாக்கல் கொள்கை மற்றும் சமீபத்திய AIS 1562 கட்ட பேட்டரி தரநிலைகளையும் பூர்த்தி செய்யும் என்றும் நிறுவனத்தின் அறிக்கை கூறுகிறது. S110 வகைகள் கரடுமுரடானவை, நீடித்து உழைக்கும் மற்றும் 20% அதிக செயல்திறன் கொண்டவை. அவற்றின் தனித்துவமான இயந்திர மற்றும் மின் வடிவமைப்பு காரணமாக, திறமையான ஆற்றல்மிக்கவை என தெரிவிக்கின்றனர். S110 ஐ அதன் போர்ட்டபிள் பேட்டரிகள் மூலம் எங்கும் சார்ஜ் செய்யலாம். ஸ்வாப்பிங் ஸ்டேஷன்களில் மாற்றலாம் அல்லது போர்ட்டபிள் சார்ஜர்களைப் பயன்படுத்தி நிலையான பொது சார்ஜர்களில் சார்ஜ் செய்யலாம்.

எங்களின் தயாரிப்புகள் இந்திய, ஐரோப்பா, APAC மற்றும் ஆப்பிரிக்க சந்தைகளை மனதில் கொண்டு வடிவமைக்கப்பட்டுள்ளன என்று அவென்டோஸ் எனர்ஜி நிறுவனத்தின் நிறுவனர் மற்றும் CEO விலாஸ் டேங்க் கூறுகிறார்.

இந்நிறுவனம் முன்னதாக அக்டோபர் 2021 ல் S110 ஐ அறிவித்தது மற்றும் அதன் விற்பனையை விரைவில் தொடங்க திட்டமிட்டுள்ளது. “நாங்கள் தொடர்ந்து வாகனத்தை சோதித்து வருகிறோம் மற்றும் அனைத்து இந்திய பாதுகாப்பு மற்றும் உள்ளூர்மயமாக்கல் தரங்களை பூர்த்தி செய்து வாடிக்கையாளர் எதிர்பார்ப்புகளையும் மீறுகிறோம்” என்று விலாஸ் கூறுகிறார்.